Германиялик собиқ футболчи Юрген Клинсманн ЖЧ-2022 чорак финали доирасидаги Франция – Англия учрашуви ҳақидаги таассуротлари билан ўртоқлашди.

Эслатиб ўтамиз, Франция терма жамоаси Англияни 2:1 ҳисобида мағлуб этганди, ғалаба голи муаллифи Оливье Жиру бўлди.

«Умуман олганда, Англия терма жамоаси яхши ўйнади. Франция – Англия ўйини ярим финал ёки финал бўлиши мумкин эди. Афсуски, жамоалардан бири ҳозир уйига кетиши керак.

Англия терма жамоаси ҳали ҳам ривожланмоқда. Улар кўплаб истеъдодларга эга. Бу ҳали Англия жамоасининг максимал кўрсаткичи эмас», - дея Клинсманнинг сўзларини келтиради Goal портали.