Роналдо 2022 йилги жаҳон чемпионатидан кейин Неймар Бразилия терма жамоасидаги фаолиятини якунламаслигига ишонч билдирмоқда.

“У натижадан жуда хафа. Ҳозирда у буни ҳис қилиши нормал ҳолат, аммо ишончим комилки, у кучлироқ қайтиб, Бразилия терма жамоасида ўйнашда давом этади. У ҳали ёш ва кейинги жаҳон чемпионатида иштирок этиши мумкин.

Мен унинг сўнгги 6 ой ичида Бразилияга бўлган садоқатини кўрсатганидан фахрланаман.

У биринчи ўйинни ажойиб ўтказди, тўпиғидан жароҳат олди ва яна терма жамоада ўйнаш учун катта қурбонликлар қилди. Бу биз учун жуда муҳим ва умид қиламанки, у тез орада қайтиб келади ва кучаяди”, - деди бразилиялик собиқ ҳужумчи.