Ronaldo 2022 yilgi jahon chempionatidan keyin Neymar Braziliya terma jamoasidagi faoliyatini yakunlamasligiga ishonch bildirmoqda.

“U natijadan juda xafa. Hozirda u buni his qilishi normal holat, ammo ishonchim komilki, u kuchliroq qaytib, Braziliya terma jamoasida o‘ynashda davom etadi. U hali yosh va keyingi jahon chempionatida ishtirok etishi mumkin.

Men uning so‘nggi 6 oy ichida Braziliyaga bo‘lgan sadoqatini ko‘rsatganidan faxrlanaman.

U birinchi o‘yinni ajoyib o‘tkazdi, to‘pig‘idan jarohat oldi va yana terma jamoada o‘ynash uchun katta qurbonliklar qildi. Bu biz uchun juda muhim va umid qilamanki, u tez orada qaytib keladi va kuchayadi”, - dedi braziliyalik sobiq hujumchi.