"Ливерпуль" "Наполи" ва Мексика терма жамоаси ҳужумчиси Ирвинг Лосанога қизиқиш билдирмоқда, деб хабар бермоқда Daily Mirror.
Манбанинг хабарига кўра, "қизиллар" 27 ёшли вингерни қишки трансфер ойнасида ўз сафига қўшиб олмоқчи.
Лосанонинг "Наполи" билан амалдаги шартномаси 2024 йилнинг ёзига қадар мўлжалланган. Transfermarkt портали мексикалик футболчини 28 миллион еврога баҳоламоқда.
Ҳужумчи жорий мавсум неаполликлар сафида 19 та ўйинда майдонга тушиб, 4 та гол урди ва 3 та голли узатмани амалга оширди. Футболчи 2019 йилнинг август ойидан бери Италия клуби шарафини ҳимоя қилиб келмоқда. Аввалроқ у Нидерландиянинг ПСВ жамоасида ўйнаган.
