"Милан" клуби ҳужумчи Оливье Жиру билан шартномани узайтириш ниятида, дея хабар бермоқда журналист Жанлука Ди Марцио.
Манбага кўра, "Милан" декабрь ойи охирида Жиру билан учрашиб, шартномани узайтиришни муҳокама қилишни режалаштирмоқда.
36 ёшли франциялик футболчи 2021 йилнинг июлида "Милан"га ўтган эди. Жорий мавсумда у Италия клуби сафида 19 та ўйинда майдонга тушиб, 9 та гол урди ва 5 та голли узатмани амалга оширди. Унинг шартномаси 2023 йилнинг июнида якунига етади.
14 декабрь куни Франция терма жамоаси Қатарда бўлиб ўтаётган жаҳон чемпионати ярим финалида Марокаш билан тўқнаш келади. Бошланиши 23:59 (Тошкент вақти билан).
