Аргентина терма жамоаси сардори Лионель Мессининг таъкидлашича, Қатардаги жаҳон чемпионати унинг фаолиятидаги сўнггисидир. Бир кун аввал 35 ёшли ҳужумчи Хорватия билан ярим финал учрашувида “1+1” натижа қайд этиб, жамоасини турнир финалига олиб чиқди.
"Мен бунга эришганимдан жуда хурсандман - финалда сўнгги ўйинимни ўтказиб, жаҳон чемпионатларидаги фаолиятимни якунлайман.
Навбатдаги жаҳон чемпионатига кўп йиллар қолди ва мен бошқа мусобақада қатнаша олмайман деб ўйлайман. Бу якун энг яхшиси" - деди Месси Аргентинанинг Ole нашрига.
