Argentina terma jamoasi sardori Lionel Messining ta’kidlashicha, Qatardagi jahon chempionati uning faoliyatidagi so‘nggisidir. Bir kun avval 35 yoshli hujumchi Xorvatiya bilan yarim final uchrashuvida “1+1” natija qayd etib, jamoasini turnir finaliga olib chiqdi.
"Men bunga erishganimdan juda xursandman - finalda so‘nggi o‘yinimni o‘tkazib, jahon chempionatlaridagi faoliyatimni yakunlayman.
Navbatdagi jahon chempionatiga ko‘p yillar qoldi va men boshqa musobaqada qatnasha olmayman deb o‘ylayman. Bu yakun eng yaxshisi" - dedi Messi Argentinaning Ole nashriga.
