Мадриднинг “Атлетико” клуби ҳужумчиси Алваро Мората Англия Премьер-лигасига қайтиши мумкин. Журналист Роб Доусон хабарига кўра, "Манчестер Юнайтед" испаниялик ҳужумчини сотиб олиш имкониятини кўриб чиқмоқда.
Манкунианликлар айни дамда шартномани бекор қилган Криштиану Роналдунинг ўрнига ҳужумчи қидирмоқда. “Қизил иблислар”нинг бошқа вариантлари орасида ПСВ футболчиси Коди Гакпо ва “Бенфика”дан Гонсалу Рамуш бор.
Эслатиб ўтамиз, 2017 йилнинг ёзида Мората "Реал"дан "Манчестер Юнайтед"га ўтиши мумкин эди, аммо якунда Ромелу Лукаку "Олд Траффорд"га тўғри келди, испан эса Лондоннинг "Челси"сига йўл олди.