Аргентина терма жамоасининг асосий дарвозабони Эмилиано Мартинес жамоасининг Қатардаги жаҳон чемпионати финалига чиққани ҳақида гапирди:
«Мен Саудияга қарши баҳсдан сўнг ўзимга ишонмадим. Биринчи ўйинда мағлуб бўлдик, бирданига ҳаммаси остин-устун бўлиб кетди. Одамлар биздан шубҳаланишди, чунки 36 ўйиндан иборат мағлубиятсиз сериямизга чек қўйилганди. Мексикага қарши биринчи бўлимда эса бироз бепарво ўйнадик.
Ҳамма ютқазишимизни хоҳларди, шунинг учун биз бутун дунёга қарши баҳс олиб боряпмиз. 26 нафар футболчидан иборат бу жамоада ҳамма жангчи ва бизнинг ортимизда 45 миллион аргентиналик бор», — дейди Мартинес.
