Франция президенти Эммануэл Макрон Франция терма жамоасининг ЖЧ-2022 ярим финалида Марокаш устидан қозонилган ғалабасини (2:0) шарҳлаб, Францияни кетма-кет иккинчи финалга олиб чиққан “уч ранглилар” бош мураббийи Дидье Дешамни алоҳида қайд этди.
“Юртдошларимизга оддий инсоний қувончлар керак. Бундай завқларни спорт, хусусан, футбол беради. Ҳозир ўзимни бир ярим соат олдингига қараганда анча яхши ҳис қиляпман.
Баъзида Франция чидашга мажбур бўлди, лекин биз ажойиб жамоани кўрдик. Мураббийимиз Дидье Дешамга ва бир неча авлодлар аралашган жамоага катта раҳмат.
Бу учта финал эди [плей-оффда] ва Дешам уларни ютди! Шубҳасиз, у қолиши керак. Мен ушбу француз жамоаси билан жуда фахрланаман", - дея Макроннинг сўзларидан иқтибос келтиради RМC Sport.
