Франциянинг "Страсбург" клуби ва Япония терма жамоаси дарвозабони Эйдзи Кавашима терма жамоадаги фаолиятини якунлаганини эълон қилди.
«Ортда қолган жаҳон чемпионати пайтида мухлисларим билан чексиз қувончни баҳам кўрдим, лекин баъзида тушуниб бўлмас мағлубиятлар ҳиссини ҳам туйдим.
Умримнинг сўнгги 15 йилини Япония терма жамоаси учун курашга сарфлаганимдан жуда ҳам фахрланаман. Энди мен оиламга эътибор қаратмоқчиман», — деб ёзди Кавашима ижтимоий тармоқда.
Дарвозабон 2008 йилда Япония терма жамоасида дебют қилган. Терма жамоа таркибида 39 ёшли япониялик футболчи 95 та ўйин ўтказган.
