"Бенфика" дарвозабони Одиссей Влаходимос тез орада Португалия клуби билан шартномасини узайтиради, дея хабар беради журналист Фабрицио Романо.
Манбага кўра, 28 ёшли грециялик футболчининг янги шартномаси 2027 йилгача мўлжалланган.
Эслатиб ўтамиз, Влахомоснинг "бургутлар" билан амалдаги шартномаси муддати 2024 йилнинг ёзида якунига етади.
Қайд этилишича, ўтган ёзда дарвозабон Амстердамнинг “Аякс” клубига ўтишга яқин турган эди. Унга "Манчестер Юнайтед" ҳам қизиқиш билдирган.
Жорий мавсумда Влаходимос “Бенфика” таркибида 26 та ўйин ўтказиб, уларда 18 та гол ўтказиб юборган ва 13 бор ўз дарвозаси дахлсизлигини сақлаб қолган. Transfermarkt портали Греция терма жамоаси посбонини 16 миллион еврога баҳоламоқда.
