"Benfika" darvozaboni Odissey Vlaxodimos tez orada Portugaliya klubi bilan shartnomasini uzaytiradi, deya xabar beradi jurnalist Fabrisio Romano.
Manbaga ko‘ra, 28 yoshli gresiyalik futbolchining yangi shartnomasi 2027 yilgacha mo‘ljallangan.
Eslatib o‘tamiz, Vlaxomosning "burgutlar" bilan amaldagi shartnomasi muddati 2024 yilning yozida yakuniga yetadi.
Qayd etilishicha, o‘tgan yozda darvozabon Amsterdamning “Ayaks” klubiga o‘tishga yaqin turgan edi. Unga "Manchester Yunayted" ham qiziqish bildirgan.
Joriy mavsumda Vlaxodimos “Benfika” tarkibida 26 ta o‘yin o‘tkazib, ularda 18 ta gol o‘tkazib yuborgan va 13 bor o‘z darvozasi daxlsizligini saqlab qolgan. Transfermarkt portali Gresiya terma jamoasi posbonini 16 million yevroga baholamoqda.
