Мадриднинг "Реал" клуби етакчиси Криштиану Роналду келажакда АҚШ клубларининг бирида тўп суриши мумкинлигини айтди. Унинг фикрича, АҚШда футбол савияси ошиб бормоқда.
"АҚШда футбол савияси сезиларли даражада ошмоқда. Биз буни бу ерда ўтказаётган турнемиз давомида кўрдик. Мухлислар бизни катта қизиқиш билан кутиб олишди. Менимча, келажакда АҚШда тўп сурсам керак", - дейди 27 ёшли футболчи.
Эслатиб ўтамиз, Роналду 2009 йил "Манчестер Юнайтед" клубидан рекорд сумма 80 миллион евро эвазига "Қироллик клуби" сафига ўтган эди.