Амалдаги шартнома Мемфис Депайни 2022/2023 йилги мавсум охиригача "Барселона" билан боғлайди. Бироқ, каталониялик раҳбарлар Депайни сотиб юбориб, трансфер учун маблағ ишлаб олишни режалаштиришмоқда.
Sport нашри хабарига кўра, "Галатасарой" Депайни сотиб олишга тайёр. Туркия клуби ҳужумчини ўз сафида кўришни жуда истайди.
Қайд этилишича, Мемфис Депайни Туркия чемпионатига ўтиш варианти қизиқтирмаяпти. Бироқ, 28 ёшли футболчига ҳозирча бошқа таклиф йўқ.
2022/2023 йилги мавсумда Мемфис Депай "Барселона" сафида 7 та ўйин ўтказиб, 4 та гол урди ва 1 та голли узатмани амалга оширди.
