Мадриднинг "Реал" клуби 16 ёшли вундеркинд Эндрик билан шартнома имзолади ва катта миқдорда пул тўлади.
Ўз тарбиялинувчисини сотганидан кейин "Палмейрас" бонусларни ҳисобга олган ҳолда 72 миллион евро ишлаб олади. Трансфер 2024 йилнинг ёзида, ҳужумчи 18 ёшга тўлганда амалга оширилади.
Transfermarkt портали хабарига қараганда, Эндрик тарихдаги 18 ёшгача бўлган энг қиммат футболчига айланди. Эътиборлиси, рейтингнинг иккинчи ва учинчи поғоналарини ҳам "Реал"га ўтган бразилияликлар эгаллаб туришган - Родриго ("Сантос") ва Винисиус Жуниор ("Фламенго") - ҳар бири 45 миллион евро.
Тўртинчи ўринда "Вулверхэмптон" "Порту"дан 40 миллионга сотиб олинган португалиялик Фабио Сильва, бешинчи ўринда "Манчестер Юнайтед" "Саутгемптон"га 37 миллион евродан кўпроқ пул тўлаган Люк Шоу.
