Аргентина терма жамоасининг собиқ ҳужумчиси Серхио Агуэро 15 декабрь, пайшанба куни миллий терма жамоанинг Қатардаги машғулотларига ташриф буюрди.
34 ёшли Агуэро бутун турнир давомида терма жамоани қўллаб-қувватлади ва жамоа билан бирга бўлиб, ўйинлардан сўнг майдонга тушди ва бугун кечқурун машғулотларда қатнашди. Ҳимоячи Николас Отаменди ижтимоий тармоққа собиқ ҳужумчининг Доҳадаги машғулот майдонидаги машғулот вақтида ақл бовар қилмайдиган гол ургани акс этган видеоларни жойлаштирди.
Агуэро 2021 йилда соғлиғи туфайли фаолиятини якунлади. У миллий терма жамоа сафида 101та ўйин ўтказиб, 41та гол урган.
Аргентина ЖЧ-2022 финалида Францияга қарши майдонга тушади. Учрашув 18 декабрь, якшанба куни бўлиб ўтади. Бошланиши - Тошкент вақти билан 20.00.