Франция президенти Эммануэль Макрон жароҳати сабаб турнирда иштирок эта олмаган терма жамоа футболчиларини ЖЧ-2022 финалига таклиф қилди.
Marca хабарига кўра, давлат раҳбари ушбу футболчилар жамоанинг Аргентина билан ўйинида стадионда бўлишини истарди. Гап Карим Бензема («Реал»), НГоло Канте («Челси») ва Поль Погба («Ювентус») ҳақида кетмоқда.
Спорт вазири Амели Удеа-Кастера бу маълумотни тасдиқлади: "У буни хоҳлаётганини биламан. Ривожланаётган режа. Келинг, логистика ва қўллаб-қувватлаш нуқтаи назаридан нима қилишимиз мумкинлигини кўриб чиқайлик. Лекин президентнинг истаги шуки, улар ҳозир шу ерда бўлсин, бу саргузаштда қатнашсин.
Олдинроқ "Реал" Бенземанинг Қатарга кетишига қарши эмаслиги ҳақида хабар берилганди.
Франция 2022 йилги жаҳон чемпионати финалида Аргентинага қарши майдонга тушади. Учрашув 18 декабрь, якшанба куни Лусаил стадионида бўлиб ўтади. Бошланиши Тошкент вақти билан соат 20.00 да.
