Марокаш терма жамоаси бош мураббийи Валид Реграги жамоасининг жаҳон чемпионатида учинчи ўрин учун Хорватияга қарши ўйини ҳақида фикр билдирди.

"Футболчилар тайёр ва охиригача ўйнашга ҳаракат қилишади, лекин биз улардан баъзиларини, айниқса жароҳат олган сардоримизни хавф остига қўймаймиз. Мен камроқ ёпиқ ўйинни башорат қиламан. Бу ўйинни байрамона ўтказиш қийин, чунки биз умидсизликка тўламиз. Эртанги учрашувни безаш ва уни маънолар билан тўлдириш қийин, чунки якшанба куни биз ўйнамоқчи бўлган финал бўлади", - деди Реграги.

Жаҳон чемпионати бронза медаллари тақдири эртага, 17 декабрь куни ҳал бўлади, ўйин Тошкент вақти билан соат 20:00да бошланади. Жаҳон чемпионати финали 18 декабрь куни Тошкент вақти билан соат 18:00да бошланади.