"Реал" ярим ҳимоячиси Марко Асенсионинг келажаги йил охиригача ҳал бўлади, деб хабар беради Мundo Deportivo.
Манба берган хабарга кўра, яқин икки ҳафта ичида 26 ёшли испаниялик Мадрид клуби раҳбарияти билан учрашиб, фаолиятини давом эттириш вариантларини муҳокама қилади.
Жорий мавсумда Асенсио "Реал" сафида 15 та ўйинда майдонга тушиб, 3 та гол урди ва 3 та голга ассистентлик қилди.
26 ёшли ярим ҳимоячининг Мадрид клуби билан шартномаси 2023 йилнинг ёзида якунига етади.