2012 йилги Ўзбекистон Биринчилиги иштирокчилари таркибида ўзгариш содир бўлди.

«Ёшлик» ПФК 2011 йилги мавсум учун футболчи ва мураббийлар олдида қарздор, шунингдек, ЎФФ футболчилар ўтиши ва мақоми Қўмитасининг 2012 йил 2 март ва 2012 йил 11 майда қабул қилган қарорларини бажармади.

Шу муносабат билан, ЎФФ Ижроия қўмитаси Бюроси, «Ўзбекистон ноҳаваскор ва ярим профессионал футбол клублари ўртасидаги мусобақаларнинг 2012 йилги Регламенти» (Тартиб-интизом кодекси, 5-модда, 1-бўлим, 5.23, 5.25-бандлари)га асосан, «Ёшлик» ПФКни 2012 йилги Ўзбекистон Биринчилиги иштирокчилари сафидан чиқариш тўғрисида қарор қабул қилди.

«Ёшлик» ПФКнинг мусобақадан олингани муносабати билан, спорт тамойилларига мувофиқ, Регламент (4-модда, 4.4-банди)га асосан, Самарқанднинг «Регистон» профессионал футбол клуби Ўзбекистон Биринчилиги II босқич ўйинлари иштирокчилари қаторига киритилди.

Маълумот ўрнида, «Регистон» II босқичнинг илк учрашувини 11 август, шанба куни меҳмонда Тошкентнинг «Оқтепа» жамоасига қарши ўтказади. II босқичнинг тўлиқ тақвими билан бу ерда танишиш мумкин.