Илк маротаба ўтказилган "Онлайн Викторина" танловимиз ниҳоясига етди. Мухлислар унда фаол иштирок этишга ва берилган 10та саволга жавоб топишга ҳаракат қилишди.

Демак, натижаларни эълон қилсак ҳам бўлади. "Викторина-2" (Викторина-1 олимпиадага бағишланганидан хабарингиз бор) ғолибини аниқлаш қийин кечди. Боиси бирданига 7 нафар мухлис 8тадан саволга тўғри жавоб топгани учун ғолиб номини аниқлаш сайт раҳбариятига мураккаблик туғдирди.

Аслида, Викторина қоидасига кўра, икки ёки ундан кўп мухлис бир хил очко тўплаб қолса, ғолиб номи қуръа ташлаш йўли билан аниқланади. Биз ушбу қоидадан бироз четга чиққан ҳолда, танловнинг янада адолатли бўлишини таъминлаш мақсадида, "қўшимча таймлар" ўтказиладиган бўлди.

Демак, 8 очко тўплаган 7та ник эгалари:
bahodirmirzo
MIRONALDO
uzbbest
Xumoyunbek
juventino
UMARISONIY
barsenal

Викторина рейтинги: веб-версия учун ва мобиль версия учун

Пешқадамларнинг электрон почталари (сайтда рўйхатдан ўтаётганда кўрсатилгани почта)га яна қўшимча 5та тест саволлари юборилади. Улар 2 соат ичида уларга жавоб топиб, бизга қайтадан юборишади. Шу орқали ғолиб номини аниқлашга ҳаракат қиламиз. Шунда ҳам ягона ғолибни аниқлай олмасак, унда қуръага мурожаат қиламиз.

Ғолиб мухлис билан алоқага чиқамиз ва уни таҳририятга таклиф қилиб, совғани топширамиз. Совға топшириш жараёни фотосуратлар билан биргаликда сайтда эълон қилинади.