Украина президенти Владимир Зеленский маъмурияти ФИФАни Аргентина ва Франция терма жамоалари ўртасидаги Жаҳон чемпионати финал ўйини олдидан унинг мурожаати акс этган видеони кўрсатишдан бош тортгани учун танқид қилди.
"Қатар президентнинг ташаббусини қўллаб-қувватлади, бироқ ФИФА уни рад этди ва президентнинг видеомурожаати якуний ўйингача кўрсатилишига рухсат бермайди", — дея президентнинг офиси сўзларидан иқтибос келтирган CNN.
CNNнинг қўшимча қилишича, Украина президенти маъмурияти ушбу видеони ФИФАга юборган, аммо ташкилот бу видеони жуда сиёсий деб ҳисоблагани учун рад этилган.
"Президентнинг мурожаатида спорт мусобақасига сиёсий ранг берадиган ҳеч қандай сиёсий нарса йўқ, яъни субъектив баҳолар, сиёсий сигналлар ва ҳатто камроқ айбловлар йўқ", - дея қўшимча қилди Украина президенти маъмурияти.
Аргентина - Франция учрашуви бугун, 18 декабрь куни бўлиб ўтади.
