"Севилья" ярим ҳимоячиси Иско жамоани тарк этмоқчи. Томонлар шартномани бекор қилиш бўйича музокаралар олиб бормоқда, деб хабар беради Relevo.
Олдинроқ футболчи клубнинг спорт директори Мончи билан жанжаллашиб қолгани ҳақида хабарлар тарқалган эди.
30 ёшли испаниялик футболчи 2022 йилнинг августида “Севилья”га текин трансфер эвазига келиб қўшилган ва улар сафида 19 та ўйинда майдонга тушиб, 1 та гол ва 3 та голли узатмани амалга оширган.
Унинг жамоа билан шартномаси 2024 йилнинг ёзига қадар мўлжалланган.