"Манчестер Сити" ва Аргентина терма жамоасининг собиқ ҳужумчиси Серхио Агуэро ватандоши Лионель Месси ва португалиялик Криштиану Роналдуни солиштирди.
Агуэронинг сўзларига кўра, Месси Қатарда бўлиб ўтган жаҳон чемпионатидан олдин ҳам Роналдудан сезиларли даражада устун эди.
"Роналду ажойиб мартабага эга ва ажойиб спортчи, лекин Лео энг зўр бўлган ва ҳозир ҳам шундай бўлиб қолади", - деди Агуэро Stake.com билан суҳбатда.
Эътиборлиси, Месси ва Роналду қўлга киритилган "Олтин тўп"лар сони бўйича ҳам етакчи. Португалиялик футболчи бу соврин билан беш марта тақдирланган, Месси эса улардан етти марта.
