Португалия футбол федерацияси “Рома” бош мураббийи Жозе Моуриньо билан терма жамоага бош мураббий тайинлаш борасида келишувга эришмоқчи, дея хабар беради журналист Жанлука Ди Марцио.
Манба берган хабарга кўра, сўнгги бир неча соат ичида терма жамоа раҳбарияти 59 ёшли мураббий билан музокаралар олиб бормоқда ва тезкор жавоб беришни талаб қилмоқда. Қайд этилишича, Моуриньо терма жамоани бошқаришга рози бўлса, федерация “Рома” билан келишиб олиши керак бўлиб, у ҳам терма жамоадаги, ҳам клубдаги ўринларни бирлаштиришига тўғри келади.
Моуриньо бош мураббий лавозимига асосий номзод, Португалия U21 термасини бошқарадиган Руй Жорже эса устувор вариант сифатида кўрилмаган.
ЖЧ-2022дан сўнг Фернанду Сантуш Португалия терма жамоаси бош мураббийи лавозимини тарк этди.
Жаҳон чемпионатида Португалия 1/4 финалга қадар етиб борди.
