Миланнинг "Интер" клуби ярим ҳимоячиси Хоқон Чалханўғлу жамоаси Чемпионлар лигасида ғолиб чиқишига ишонмоқда.
Эслатиб ўтамиз, "нерадзуррилар" сўнгги марта 2009/10 йилги мавсумда Жозе Моуриньо бошчилигида ЕЧЛ ғолиблигини қўлга киритганди.
"Менинг орзум – Чемпионлар лигасида ғалаба қозониш. Бу мавсумда буни уддалай олишимизга ишонаман. Нима учунлигини билмайман, лекин менда яхши туйғу бор. Биз жуда қийин гуруҳдан чиқдик. "Порту" жуда кучли жамоа, аммо "Барселона" билан ўйнагандек ўйнасак, чорак финалга чиқа оламиз", - деди Чалҳанўглу Il Corriere dello Sport нашрига берган интерьвюсида.
Ўтган мавсумда "Интер" Чемпионлар лигасининг 1/8 финал босқичида "Ливерпул"га умумий ҳисобда мағлуб бўлган эди.
