Украина терма жамоаси ва “Шахтёр” етакчиларидан бири Михайло Мудрик АПЛга ўтишга яқин турибди. Журналист Николо Шкиранинг хабарига кўра, 21 ёшли футболчи қишда "Арсенал"га ўтиши мумкин.
Инсайдернинг ижтимоий тармоқларида Мудрик “канонирлар” раҳбарияти билан шартнома шартлари бўйича келишиб олгани ҳақида хабар берилган. "Арсенал" энди "Шахтёр" билан футболчи учун товон пули борасида келишиб олиши керак. Украина томони аввалроқ ўз вакилини 100 миллион еврога баҳолаётганини маълум қилганди.
2022/2023 йилги мавсумда Михайло клуб миқёсида 18 та ўйинда қатнашиб, ўнта гол ва саккизта голли узатмани амалга оширди.
