Ҳужумчи Ирвинг Лосано "Наполи"ни Англия Премьер-лигасининг топ-клубига алмаштириш мумкин.
Calciomercato нашри хабарига кўра, "Ливерпуль" 27 ёшли мексикалик футболчини қўлга киритиш учун фаворит ҳисобланади. "Қизиллар" кадрлар муаммосига дуч келмоқда, шу боис ҳужум чизиғини кучайтиришдан манфаатдор.
Ирвинг Лосанонинг "Наполи" билан амалдаги шартномаси 2024 йилнинг ўрталарига қадар мўлжалланган. Шартномаси узайтирилиши даргумон.
Тransfermarkt портали Ирвинг Лосанони 28 миллион еврога баҳоламоқда.
Ирвинг Лосано "Наполи" сафида 133 та ўйин ўтказиб, 30 та гол урган ва 16 та голли узатмани амалга оширган.
