"Манчестер Сити" клуби "Милан" ҳужумчиси Рафаэл Леауга қизиқиш билдирмоқда, деб хабар беради Calciomercatoweb.
Манбага кўра, "шаҳарликлар" 23 ёшли португалиялик эвазига Италия клубига Жек Грилишни таклиф қилмоқчи. "Милан" раҳбарияти, ўз навбатида, 27 ёшли инглиз футболчисини қўлга киритишга қарши бўлмаса-да, бундай алмашинувни тенгсиз деб ҳисобламоқда.
Жорий мавсумда Леау “россонерилар” сафида 20 та ўйинда майдонга тушиб, 7 та гол ва 9 та голли узатмани амалга оширган.
Грилиш "Манчестер Сити" сафида 17 ўйинда 1 та гол урган. Англиялик футболчининг бозор нархи ҳозирда 70 миллион еврони ташкил қилмоқда.