Алан Ширер Эрлинг Холандни мукаммал ҳужумчи деб ҳисоблайди.

АПЛнинг 17-турида “Манчестер Сити” “Лидс”ни 3:1 ҳисобида мағлуб этди. 22 ёшли норвегиялик футболчи дубль қайд этди. Ҳозирда Холандда Премьер-лиганинг 14 та учрашувида 20 та гол бор.

"У бу ўйинда бир нечта вазиятларни қўлдан бой берди, улардан бири дастлабки икки дақиқада бўлди.

Холанд деярли ҳамма нарсани билади, жумладан, осон гол уришни ҳам. Унинг заиф нуқталари кўп эмас, лекин у ўйинни томоша қилади ва ўтказиб юборган дақиқаларидан ҳафсаласи пир бўлади.

Буни мавсум бошланишидан олдин айтгандим. Ўйлайманки, яхши марказий ҳужумчи 20 та гол уради, Эрлинг ўшаларнинг бири. Унинг хаёлида голлар сони бўлади ва бу рақам тўрттадан бошланса, ҳайрон бўлмайман.

Менга унинг чанқоқлиги ва истаги ёқади. Менга унинг муносабати ёқади.

Агар сиз мукаммал марказий ҳужумни бошидан қурмоқчи бўлсангиз, у ҳолда Холанд ёрдам беради. Холандда ҳамма нарсада яхши. Агар у соғлом бўлса, камида 40 та гол уради. Агар у Премьер-лигада қолса, менинг рекордимни янгилайди" - деди Ширер Amazon Prime билан суҳбатда.

Алан Ширер 260 гол билан Премьер-лига тарихидаги энг яхши тўпурар ҳисобланади.