«Ливерпуль» бош мураббийи Юрген Клоппдан матбуот анжумани чоғида клубнинг трансфер режалари ҳақида сўрашди.
«Биз трансферлар борасида музокаралар олиб бормоқдамиз. Бунда нима қилишни хоҳлаётганимизни биламиз. Келинг, вазиятни кўриб чиқайлик.
Гакпонинг трансфери Фирминонинг янги шартнома бўйича қарорига таъсир қиладими? Бу ҳақда Боббидан сўраш керак», - деди Клопп.
«Ливерпуль» 30 декабрь, жума куни АПЛ доирасидаги навбатдаги ўйинини ўтказади. Юрген Клопп шогирдлари «Лестер»ни қабул қилади.
«Ливерпуль» айни дам Англия Премьер-лигаси турнир жадвалида олтинчи ўринда бормоқда.
