Мадриднинг “Реал” клуби бош мураббийи Карло Анчелотти клубнинг кейинги трансфер ойнасидаги режалари ҳақида гапирди.
“Қишда янги харидлар бўлмайди, чунки бизда ажойиб таркиб бор. Кимнидир кетиши ҳақида билмайман, балки ўйин вақти кам бўлган ўйинчилар кетишни исташаётгандир.
Менимча, биз 2021 йилнинг декабрига нисбатан кучлироқмиз.
Қувонарли томони шундаки, клуб Эндрик оиласи билан келишувга эришди. У ажойиб иқтидор ва ажойиб футболчи”, - дейди Анчелотти.
"Реал Мадрид" Эндрикни келаси йилнинг апрель ойида сотиб олади. Трансфер суммаси 60 миллион евро + 12 миллион солиқни ташкил қилади, бироқ 16 ёшли бразилиялик ҳужумчи 2024 йилнинг 1 июлига қадар “Реал” сафида дебют ўтказа олмайди.