Якунига етган мундиалда Уго Льорис Лилиан Тюрамни ортда қолдирди ва Франция терма жамоасининг рекордчисига айланди (143 та ўйин). Уго терма жамоанинг асосий дарвозабони сифатида 4 та жаҳон чемпионати (2010, 2014, 2018 ва 2022 йиллар) ва 3 та Евро (2012, 2016, 2020) ўтказган.

143 та ўйин нафақат рекорд, балки барқарорликнинг ўзига хос намунасидир: у терма жамоанинг энг кучли 15 рекордчилари орасида ягона дарвозабон. Қолган посбонлар - ҳатто Бартез ҳам қаҳрамонимиздан анча кам ўйин ўтказган.

Угонинг яна бир ютуғи - бу терма жамоадаги узоқ муддатли сардорлик. Льорис бу борада фантастик натижа кўрсатмоқда. Кипер Франция терма жамоасида сардор сифатида 119 матчда иштирок этган. Биринчи марта у боғич остида 2010 йилнинг ноябрида Англияга қарши ўйинда майдонга тушган. 2011 йилдан бошлаб, Уго “уч ранглилар”нинг асосий сардори бўлган. 119 марта боғич остида ўтказган ўйинларининг 54тасида унинг мураббийи Дидье Дешам эди. Бундан кўриниб туриптики, Евро-2024да ҳам Уго ўз формасида бўлса термасини майдонга бошлаб тушади. Дешамнинг унга бўлган ишончи чексиз.

Дарвоқе, Уго сардор сифатида икки марта жаҳон чемпионлигини қўлга киритган ягона футболчига айланиши мумкин эди: Жузеппе Меацца (1938), Даниель Пассарелла, Беллини (1958), Мауро (1962) ва Кафу (2002) атиги битта турнирда боғичлар билан ўтказган. Балки Угода бундан кейинги мундиалда иштирок этиш имкони ҳам бордир. Чунки дарвозабонлар фаолиятини нисбатан кечроқ тугатишади.

Угонинг қилган ишлари қай даражада юксак ютуқ эканлиги кўрсатиш учун Льорисни кўп йиллар давомида ўз терма жамоаларини ҳимоя қилган яна тўртта афсонавий посбон билан солиштирамиз. Бу солиштирув ким дунёдаги энг кучли дарвозабон эканлигини аниқлаш билан боғлиқ эмас (Буффон ва Касиляс билан буюкликда рақобатлашиш Льорисга эмас), балки Уго ҳам улар қаторида бўлишга интилаётган киперлигини кўрсатади.