Yakuniga yetgan mundialda Ugo Lyoris Lilian Tyuramni ortda qoldirdi va Fransiya terma jamoasining rekordchisiga aylandi (143 ta o‘yin). Ugo terma jamoaning asosiy darvozaboni sifatida 4 ta jahon chempionati (2010, 2014, 2018 va 2022 yillar) va 3 ta Yevro (2012, 2016, 2020) o‘tkazgan.

143 ta o‘yin nafaqat rekord, balki barqarorlikning o‘ziga xos namunasidir: u terma jamoaning eng kuchli 15 rekordchilari orasida yagona darvozabon. Qolgan posbonlar - hatto Bartez ham qahramonimizdan ancha kam o‘yin o‘tkazgan.

Ugoning yana bir yutug‘i - bu terma jamoadagi uzoq muddatli sardorlik. Lyoris bu borada fantastik natija ko‘rsatmoqda. Kiper Fransiya terma jamoasida sardor sifatida 119 matchda ishtirok etgan. Birinchi marta u bog‘ich ostida 2010 yilning noyabrida Angliyaga qarshi o‘yinda maydonga tushgan. 2011 yildan boshlab, Ugo “uch ranglilar”ning asosiy sardori bo‘lgan. 119 marta bog‘ich ostida o‘tkazgan o‘yinlarining 54tasida uning murabbiyi Didye Desham edi. Bundan ko‘rinib turiptiki, Yevro-2024da ham Ugo o‘z formasida bo‘lsa termasini maydonga boshlab tushadi. Deshamning unga bo‘lgan ishonchi cheksiz.

Darvoqe, Ugo sardor sifatida ikki marta jahon chempionligini qo‘lga kiritgan yagona futbolchiga aylanishi mumkin edi: Juzeppe Meassa (1938), Daniyel Passarella, Bellini (1958), Mauro (1962) va Kafu (2002) atigi bitta turnirda bog‘ichlar bilan o‘tkazgan. Balki Ugoda bundan keyingi mundialda ishtirok etish imkoni ham bordir. Chunki darvozabonlar faoliyatini nisbatan kechroq tugatishadi.

Ugoning qilgan ishlari qay darajada yuksak yutuq ekanligi ko‘rsatish uchun Lyorisni ko‘p yillar davomida o‘z terma jamoalarini himoya qilgan yana to‘rtta afsonaviy posbon bilan solishtiramiz. Bu solishtiruv kim dunyodagi eng kuchli darvozabon ekanligini aniqlash bilan bog‘liq emas (Buffon va Kasilyas bilan buyuklikda raqobatlashish Lyorisga emas), balki Ugo ham ular qatorida bo‘lishga intilayotgan kiperligini ko‘rsatadi.