"Манчестер Сити" бош мураббийи Пеп Гвардиола жамоани қандай вазиятда тарк этишини айтди.
Ўтган ой испаниялик мутахассис "Ман Сити" билан шартномасини узайтирди, энди у 2025 йилгача мўлжалланган.
“Бирор нарса бузилгандек туюлса, нафақага чиқаман ёки шартномамни узайтирмайман. Мен Фергюсон ёки Венгер каби қолмайман.
Шартнома шунчаки қоғоз. Мен шартномани узайтирдим, чунки мен ҳали ҳам яхши ўйнашимиз мумкинлигини ҳис қиляпман", - дейди мураббий.
51 ёшли Гвардиола 2016 йилдан буён инглиз клубини бошқариб келмоқда. Унинг қўл остида жамоа тўрт марта Англия чемпионати, 4 марта Лига кубоги, икки марта Суперкубок ва бир марта мамлакат кубоги соҳиби бўлган.
