"Ювентус" Анхель Ди Мария ва Леандро Паредесни жамоада қолдириш ниятида эмас, дея хабар беради Sky Italia.
Паредес Турин клубида ижара асосида ўйнайди, "Юве" эса 28 ёшли ярим ҳимоячининг ҳуқуқларини сотиб олмоқчи эмас.
35 ёшли Ди Мария ўтган ёзда "Ювентус" билан бир йиллик шартнома имзолаган эди. Туринликлар вингерга ҳам янги шартнома таклиф қилишни режалаштирмаяпти.
Жорий мавсумда Паредес А серияда 9 та ўйинда майдонга тушди, Ди Мария эса 7 та ўйинда майдонга тушиб, 1 та гол ва 1 та голли узатмани амалга оширди.
Ҳар икки футболчи Аргентина терма жамоаси таркибида 2022 йилда жаҳон чемпиони бўлишган.
