"Реал" клуби "Ливерпуль" ҳимоячиси Иброҳима Конатега қизиқиш билдирмоқда, деб хабар беради MediaFoot.

Манбага кўра, мадридликлар бош мураббийи Карло Анчелотти футболчининг ЖЧ-2022даги ўйинидан қойил қолган ва клуб мавсум якунланганидан сўнг ёзги трансфер ойнасида 23 ёшли франциялик футболчини қўлга киритишни истамоқда.

Конате “Ливерпуль” сафида 2021 йилнинг июлидан буён тўп суради. 2022/23 йилги мавсумда у барча мусобақаларда мерсисайдликларнинг 4 та учрашувида қатнашган. 2022 йилги жаҳон чемпионатида у турнир финалига қадар етиб борган ва Аргентинага ютқазган (3:3, пенальтилар сериясида – 2:4) Франция терма жамоаси сафида 5та ўйин ўтказган.

Transfermarkt.com Конатени 35 миллион еврога баҳолади.