Менхенгладбахнинг "Боруссия" клуби ушбу қишда маълум миқдорда товон пули эвазига франциялик ҳужумчи Маркус Тюрам билан хайрлашишга тайёр.
Bild нашрининг маълум қилишича, немис клуби 25 ёшли футболчини сотишдан камида 12 миллион евро ишлаб олмоқчи. Тюрамнинг "Боруссия" билан шартномаси жорий мавсум охирида якунига етади.
Аввалроқ ОАВ Тюрамга "Бавария", "ПСЖ", "Интер" ва "Манчестер Юнайтед" клублари қизиқиш билдираётгани ҳақида хабарлар тарқалганди.
Ҳужумчи жорий мавсумда Бундеслигада 15 та ўйинда майдонга тушиб, 10 та гол урди ва 3 та голли узатмани амалга оширди.
