Лондоннинг «Арсенал» клуби истеъдодли украиналик вингер Михайло Мудрик билан шартнома имзолаш устида ишламоқда.
Журналист Егор Даниловнинг ижтимоий тармоқларда ёзишича, «канонирлар» футболчи учун таклифни яхшилаган. Энди «Шахтёр» бир қарорга келиши керак.
5 январь куни Михаил Мудрик 22 ёшга тўлади. Нуфузли трансфермаркт портали экспертлари украиналик футболчини 40 миллион еврога баҳоламоқда, аммо «Шахтёр» ўз иқтидорини сотиш орқали кўпроқ даромад олишни кутяпти.
2022/2023 йилги мавсумда Чемпионлар лигасининг олтита ўйинида Михаил Мудрик учта гол урди ва шерикларига иккита голли узатмани амалга оширди.
