Маркус Тюрам учун курашда “Манчестер Юнайтед” етакчилик қилмоқда.
La Republicca хабарига кўра, клуб Криштиану Роналдунинг ўрнига ҳужумчи қидирмоқда. "Манчестер Юнайтед" бош мураббийи Эрик тен Хаг Тюрамнинг ўйин сифатига қойил қолган ва уни ўз жамоасида кўрмоқчи.
"Бавария" ва "Интер" ҳам футболчини қўлга киритишга даъво қилмоқда, аммо иккала клуб Мёнхенгладбахнинг "Боруссия"си билан шартномаси тугаганидан кейин 2023 йилнинг ёзида Тюрамни текинга ўз сафига қўшиб олмоқчи.
"Манчестер Юнайтед" январь ойидаёқ футболчининг трансфери бўйича музокаралар олиб боришга ҳаракат қилмоқда ва "Боруссия" футболчи учун талаб қилаётган 15 миллион еврони тўлашга тайёр.
"Манчестер Юнайтед" Тюрамнинг ўзини АПЛда синаб кўриш истаги трансферда ҳал қилувчи роль ўйнашига умид қилмоқда.
Маркус Тюрам бу мавсумда Бундеслигада 15 та ўйинда майдонга тушиб, 10 та гол урди ва 3 та голга ассистентлик қилди.
