Туркиянинг “Галатасарой” клубида ижара асосида тўп сураётган “ПСЖ” ҳужумчиси Мауро Икарди Саудия Арабистонининг “Ан-Наср” клубига ўтиши мумкин. Бу ҳақда ТМW хабар бермоқда.
Манбанинг хабарига кўра, Саудия клуби Европада ўзини кўрсатган таниқли ўйинчиларни қўлга киритиш орқали таркибни кучайтиришни давом эттирмоқчи. “Ан-Наср” вакиллари аллақачон Икардининг атрофидагилар билан музокараларни бошлаб юборишган ва футболчи Саудия Арабистонига ўтиш эҳтимоли ҳақида ижобий фикрда.
Аргентинанинг "Ньюэллс Олд Бойс" жамоаси ҳам Икардига қизиқиш билдирмоқда, аммо "Ан-Наср" 29 ёшли ҳужумчига янада фойдали шартнома таклиф қила олади.
Жорий мавсумда Туркия Суперлигасида 6 та ўйинда Икарди 4 та гол урди ва 2 та голли узатмани амалга оширди.
