Turkiyaning “Galatasaroy” klubida ijara asosida to‘p surayotgan “PSJ” hujumchisi Mauro Ikardi Saudiya Arabistonining “An-Nasr” klubiga o‘tishi mumkin. Bu haqda TMW xabar bermoqda.
Manbaning xabariga ko‘ra, Saudiya klubi Yevropada o‘zini ko‘rsatgan taniqli o‘yinchilarni qo‘lga kiritish orqali tarkibni kuchaytirishni davom ettirmoqchi. “An-Nasr” vakillari allaqachon Ikardining atrofidagilar bilan muzokaralarni boshlab yuborishgan va futbolchi Saudiya Arabistoniga o‘tish ehtimoli haqida ijobiy fikrda.
Argentinaning "Nyuells Old Boys" jamoasi ham Ikardiga qiziqish bildirmoqda, ammo "An-Nasr" 29 yoshli hujumchiga yanada foydali shartnoma taklif qila oladi.
Joriy mavsumda Turkiya Superligasida 6 ta o‘yinda Ikardi 4 ta gol urdi va 2 ta golli uzatmani amalga oshirdi.
