Албания футбол федерацияси бразилиялик мутахассис Силвиньо билан мамлакат терма жамоасини бошқариши борасида келишувга эришди. 48 ёшли бразилиялик 2022 йилнинг февраль ойидан бери жамоасиз эди.

Албания терма жамоаси бош мураббийи сифатида Эдоардо Рея ўрнига Силвиньо тайинланди. Унинг ёрдамчилари аргентиналик Пабло Сабалета ва бразилиялик Дорива бўлади.

Силвинью билан шартнома Евро-2024 якунига қадар тузилган. Бунгача бразилиялик мураббий "Коринтианс" ва "Лион" клубларида ишлаган, шунингдек, Бразилия терма жамоасида ёрдамчи мураббий бўлган.