"Монако" ҳимоячиси Бенуа Бадьяшиль Лондоннинг "Челси" клубига ўтишга яна бир қадам яқинлашди. Журналист Фабрицио Романонинг ёзишича, франциялик футболчи тиббий кўрикнинг биринчи қисмидан ўтган.
Клублар ўзаро келишувнинг барча тафсилотларини келишиб олишди ва ҳужжатларни имзолашди. Ушбу трансфер "Мольде"дан кўчиб ўтган Давид Датро Фофанадан кейин "кўклар"нинг иккинчи трансфери бўлади.
"Челси" марказий ҳимоячи сотиб олмоқчи эди. "Лейпциг" билан Йошко Гвардиол бўйича музокараларда юзага келган тушунмовчиликлардан сўнг "кўклар" эътиборини Бенуа Бадьяшилга қаратишга қарор қилишди. 22 ёшли франциялик футболчи Лондон клубига 35-40 миллион евро атрофида тушади.
