Энцо Фернандеснинг Лиссабоннинг "Бенфика" клубидан "Челси"га трансфери ҳали якунлангани йўқ. Журналист Фабрицио Романонинг сўзларига кўра, “бургутлар” ҳали келишувни маъқуллагани йўқ.
Манбага кўра, музокаралар илғор босқичда, Фернандеснинг ўзи эса ўтган чоршанба куни шахсий шартнома шартларини келишиб олган. Бироқ, "Бенфика" президенти Руи Коста трансферни кейинги босқичга олиб чиқиш учун "кўклар"га ҳали рухсат бермади.
Агар ҳаммаси жойида кетса, Энцо Англия Премьер-лигаси тарихидаги энг қиммат футболчилардан бирига айланади. Шунингдек, аргентиналик футболчи барча даврларнинг энг қиммат трансферлари рўйхатида олтинчи ўринни эгаллайди.
