"Барселона" ва Испания терма жамоасининг собиқ ҳимоячиси Жерар Пике футболчилик фаолиятини давом эттириш арафасида, деб хабар беради Relevo.
Манба берган хабарга кўра, 35 ёшли испаниялик ўзига тегишли бўлган "Андорра" клубида ўйнашни истамоқда. Уни тўхтата оладиган ягона нарса - бу жамоа ўйнайдиган Испания чемпионати иккинчи дивизионининг молиявий қоидалари билан боғлиқ муаммолар.
Пике 2022 йил охирида фаолиятини якунлаганди. У саккиз карра Испания чемпиони, шунингдек, жаҳон ва Европа чемпиони ҳисобланади. У 2018 йилнинг декабрида "Андорра"нинг эгасига айланди.
"Андорра" Испания чемпионати иккинчи дивизиони турнир жадвалида 21 учрашувда 29 очко билан 10-ўринда бормоқда.
