"Манчестер Юнайтед"нинг нидерландиялик ярим ҳимоячиси Донни ван де Бек Англия Премьер-лигасининг 19-тури доирасида "Борнмут"га қарши ўйинда жароҳат олди. Учрашув манкунианликларнинг 3:0 ҳисобидаги ишончли ғалабаси билан якунланди.
Ярим ҳимоячи жорий мавсумда атиги иккинчи марта "қизил иблислар"нинг Англия чемпионати ўйинида майдонга тушди, аммо Маркос Сенеси билан тўқнашувда жароҳат олди. Учрашувнинг биринчи ярми якунланиши арафасида ван де Бек ўрнига ҳужумчи Алехандро Гарначо майдонга тушди.
Жароҳат тафсилотлари ҳозирча маълум қилинмади.
