"Манчестер Юнайтед" ҳимоячиси Люк Шоу Англия чемпионатининг 19-турида "Борнмут" устидан қозонилган йирик ғалабадан сўнг ОАВ вакилларига гапирди. “Қизил иблислар” 3:0 ҳисобида ғалаба қозонишди.
“Мураббий таклиф қиладиган ҳар қандай позицияда ўйнашга тайёрман. Чап қанот ҳимоячиси жойига қайтиш қувончли эди. Биз ўз ўйинимизда ниманидир яхшилашимиз керак, аммо ҳозирданоқ ишонч қай даражада қайтиб келаётганини ҳис қиляпмиз. Олдинда ҳали кўп ўйинлар бор ва биз мухлисларимизни хурсанд қилишда давом этмоқчимиз", - деб ёзади BBC Sport футболчининг сўзларини.
Кечаги ғалаба "Манчестер Юнайтед"нинг қаторасига тўртинчи ғалабаси бўлди. Эрик тен Хаг шогирдлари 35 очко билан турнир жадвалида тўртинчи ўринни эгаллаб турибди.
