Мадриднинг “Реал” клуби дарвозабони Андрей Лунин “қироллик клуби”ни тарк этиш ниятида эмас.
Украиналик посбон жорий мавсумда Тибо Куртуа ўрнини босадиган футболчи ролини ўйнамоқда. Дарвозабон жорий мавсум "Реал"нинг тўртта ўйинида асосий таркибда майдонга тушди.
"Мен қатнашган ўйинлардан сабоқ олиб, уч йил давомида қаттиқ меҳнат қилдим, азоб чекдим ва кутдим. Мен ҳали ҳам алоҳида нарсага эришишга ҳаракат қиламан ва кетмайман. "Реал"да қолмоқчиман", - деди Лунин Relevo билан суҳбатда.
Эслатиб ўтамиз, Украинада Лунин "Днепр" ва "Зарья" каби жамоаларда ўйнаган. 23 ёшли дарвозабоннинг "Реал" билан шартномаси келаси мавсум охирида якунига етади.
